धनगढीबाट साढे दुई किलो सुनसहित एक जना पक्राउ

धनगढी– धनगढीबाट दुई किलो चार सय ग्राम सुनसहित प्रहरीले एक जनालाई पक्राउ गरेको छ। धनगढी बसपार्कबाट दुई किलो ४ सय ग्राम सुन समातिएको भएपनि प्रहरीले नाम खुलाएको छैन।

जिल्ला प्रहरी कार्यालय कैलालीका प्रमुख सुदिप गिरीका अनुसार घटनामा थप व्यक्ति पनि संलग्न रहेको खुल्न आएकाले तत्काल सूचना गोप्य राखी अनुसन्धान भइरहेको छ।

अनुसन्धानमा खटिएका एक जना प्रहरीका अनुसार उक्त सुन भारतबाट ल्याइएको हुनसक्ने आशंका गरिएको छ।