धनगढी – नेपाल विद्यार्थी संघले ललिता निवास जग्गा अतिक्रमण प्रकरणमा सत्तारुढ दलका नेतालाई जोगाउने काम गरिएको भन्दै धनगढीमा विरोध प्रदर्शन गरेको छ ।
बिहीबार धनगढी एल.एन चौकमा मसाल जुलुस निकाल्दै नेपाल विद्यार्थी संघले ललिता निवासको जग्गा प्रकरणमा मुछिएका सत्तारुढ दलका नेता माधव कुमार नेपाल र महासचिव विष्णु पौडेललाई पनि कारबाहीको माग गरेका हुन् । नेकपाले अख्तियारलाई हातमा लिएर आफ्ना नेतालाई जोगाएको नेवि संघका निर्वतमान उपाध्यक्ष पुष्पकुमार शाहीले बताए ।
उनले कांग्रेस नेता विजयकुमार गच्छदारलाई फसाउन सत्तारुढ दलले झुटा मुद्दा लगाएको आरोप लगाए । विजयकुमार गच्छदारको जग्गा प्रकरणमा कुनै भूमीका नरहेको बताउँदै उनीमाथि लागेको आरोप फिर्ता गरिनुपर्ने माग गरे । मसाल जुलुसमा नेविसंघका निर्वतमान केन्द्रीय सदस्य भेष वम, तपेन्द्र भुषाल लगायतको सहभागिता रहेको थियो ।
एलएनचोकबाट निकालिएको मसाल जुलुस पार्कमोड हुँदै एलएनचौक मै आएर अन्त्य भएको थियो । जुलुसमा अख्तियार माथिको हस्तक्षप बन्द गर, केपी ओली मुर्दावाद, विजय कुमार गच्छदार माथिको आरोप खारेज गर भन्दै नेविसंघका कार्यकर्ताले नाराबाजी गरेका थिए ।
भर्खरै
लोकप्रिय
