धनगढी– सुदूरपश्चिम प्रदेशको हाल राजधानी रहेको धनगढीमा नक्कली प्रहरी बनेर रकम असुल्ने तीन जना पक्राउ परेका छन् ।
पक्राउ पर्नेमा बझाङ खप्तडछान्ना गाउँपालिका वडा नम्बर १ घर भई हाल धनगढी उप–महानगरपालिका वडा नम्वर ७ मनहेरा बस्ने ३२ वषीर्य शनम भण्डारी, धनगढी उपमहानगरपालीका वडा नम्बर ५ हसनपुर बस्ने ३५ वर्षीय गौरव हमाल र कन्चनपुर पुनर्वास नगरपालिका वडा नम्वर ५ घर भई हाल धनगढी उप महानगरपालीका वडा नम्वर १ बस्ने ३३ वर्षीय किशन सिजापती रहेको जिल्ला प्रहरी कार्यालय कैलालीले जनाएको छ ।
माघ २ गते धनगढी उपमहानगरपालीका वडा नम्बर ३ बडहरा घर भइ मिलनचोक स्थित चन्द्रभान शर्माले संचालन गरेको रिक्सा, साईकल मर्मत पसलबाट उनीहरुले रकम असुली गरेको जिल्ला प्रहरी कार्यालय कैलालीले जनाएको छ ।
शर्मालाई भारतीय नम्बर प्लेटको मोटरसाइकल चोरीको हो र आफूहरु जिल्ला प्रहरी कार्यालयबाट आएका हौँ भन्दै तीन जनाले दुई हजार पाँच सय रकम असुली गरेको गुनासो आएपछि उनीहरुलाई पक्राउ गरिएको जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले बताए ।
भर्खरै
लोकप्रिय
