धनगढी – कञ्चनपुरको पुनर्वास नगरपालिका–८ (क) गाउँमा श्रीमानले श्रीमतीको हत्या गरेका छन् । प्रहरीका अनुसार पुनर्वास नगरपालिका–८ का ६३ वर्षीय सफली बयाडीले ६० वर्षीया श्रीमती खन्जरी बयाडीलाई लाठी प्रहार गरि हत्या गरेका हुन् ।
मदिरा सेवनले लट्ठ भएका सफली बयाडीले आइतबार राती ९ बजे तिर श्रीमतीसँग विवाद गरि टाउकोमा लाठी प्रहार गरेर घाइते बनाएको बुहारी बाटु बयाडीले बताइन् ।
श्रीमानको कुटाइबाट घाइते भएकी खन्जरीलाई उपचारको लागि पुनर्वासकै स्थानीय पोलिक्लिनिकमा लगिएकोमा प्राथमिक उपचार पछि धनगढी रेफर गरिएको थियो । धनगढीमा समेत उनको उपचार सम्भव नहुँदा नेपालगञ्ज लगिएको थियो ।
नेपालगञ्जमा उपचारकै क्रममा उनको मृत्यु भएको मृतककी बुहारीले बताइन् । मृतक खन्जरीका चार छोरा भएपनि चारै जना वैदेशिक रोजगारीको शिलशिलामा भारतको मुम्बईमा रहेका छन् ।
घटनापश्चात् घटनास्थल पुगेको प्रहरी टोलीले कुटपिट गरेको आरोप लागेका सफलीलाई नियन्त्रणमा लिएको इलाका प्रहरी कार्यालय त्रिभुवनबस्तीका प्रहरी निरीक्षक वकिल बहादुर सिहले बताए । मृतक खन्जरीको शव पोष्टमार्टमका लागि सेती प्रादेशिक अस्पताल धनगढी ल्याइएको छ ।
भर्खरै
लोकप्रिय
