सिमकोट-सम्भावित कोरोना संक्रमणको आशंकामा क्वारेन्टाइनमा रहेका दशजना चौध दिन बिताएर घर फर्किएका छन्।
क्वारेन्टाइन अवधिमा कुनै पनि कोरोना संक्रमणको लक्षण नदेखिएपछि चिकीत्सकहरुको सिफारिसमा उनीहरु घर फिर्ति भएका हुन।
काम बिशेषले जिल्ला बाहिर गएकाहरु लकडाउन सुरु भएपछि पैदल मार्गबाट नेपालगंज र सुर्खेतबाट हुम्ला आइपुगेकाहरु क्वारेन्टाइनमा बसेको र चौध दिन अवधिसम्म क्वारेन्टाइनमा बस्दा कुनै पनि कोरोना संक्रमणको लक्षण नदेखिएपछि चिकीत्सकको सिफारिसमा घर फिर्ता गरिएको क्वारेन्टाइन स्थलका सुचना अधिकारी प्रजित बोहराले बताए।
क्वारेन्टाइन अवधिमा उनीहरु प्रत्यक्ष रुपमा चिकीत्सकको निगरानीमा रहदै आएमा थिए। कोरोनाको कुनै लक्षणबिनै क्वारेन्टाइनहरुमा छिमी लामा, धर्मानन्द लामा, नुर्बु लामा, कुन्साङ लामा, सोनाम लामा, तन्जिन फुन्जोक लामा, ठरिक लामा, सोनाम लामा, ठिलादोर्ची लामा र सरिता लामा छिन्।
क्वारेन्टाइनमा बस्दा कोरोनाको कुनै लक्षण नदेखिएको चिकीत्सकहरुले क्लिन चीट दिएपछि उनीरु खुसीका साथ घर लागेका छन्।
उनीहरुलाई आफन्त समेत लिन आएमा थिए। उनीहरु सबै जनाको टोलीसँगै सिमकोट पुगेको थियो। क्वारेन्टाइनमा बसेर घर फर्कने पहिलो टोली रहेको छ।
भर्खरै
लोकप्रिय
