सिमकोट-किसानहरुलाई खेतबारीको काम गर्ने सिजन भएको कारण पासको व्यवस्था गरिएको छ । बन्दाबन्दीको बेला खेतमा काम गर्न सहज होस भन्नका लागि पासको व्यवस्था गरिएको हो।
सिमकोट गाउँपालिका वडा नम्बर ५ का किसान राक्षे कामीले गाउँ नजिकको बारीमा आलु लगाउन जाँदा वडा कार्यालयले उपलब्ध गराएको पास लिएर काम गर्न जानु परेको बताए।
कोरोना संक्रमणको त्रासले बन्दाबन्दी जारी रहको समय समय भएको कारण घर बाहिर जानका लागि वडाले पासको ब्यबस्था गरेपछि पास लिएर काम गर्न जानु परेको हो।
पास लिएपछि नाकामा बसेका सुरक्षाकर्मी र पालो बसेका गाउँले पनि सहजै आउजाउ दिने गर्छन्।सिमकोट गाउाँपालिको वडा नम्बर ५ ले बाहिरका मानिसहरु जथाभाबी भित्रिन नपाउन भन्नका लागि खेतीपातीको बेला खेतगरामा काम गर्न जाने किसानहरुलाई पासको ब्यबस्था गरेको बताउदै वडा अध्यक्ष कृष्ण बहादुर बोहराले पासको व्यवस्था गरिएपछि जथाभावी मानिस बाहिर काम गर्न जाने क्रम कम भएको बताए।
नाकामा रहेका सुरक्षाकर्मी र गाउँलेले पास भएकालाई मात्रै खेतीपाती गर्न जान दिने र बेलुका घर फर्कन दिने गरेका छन्।अर्को बाहिरका मानिसहरु पनि स्थानीयको भेषमा आउन थालेपछि वडाले आफ्ना नागरिकहरुलाई पासको व्यवस्था गर्नु परेको जनाएको छ।
३१४ घरधुरी रहेको वडा नम्बर ५ का सबै घरधुरी खेती किसान गर्छन्।अहिलेको समय आलु लगाउने, कोदो, चिनो, फापर, मकै लगाएतका अन्नको बीउ छर्ने समय भएकोले किसानलाई खेतबारीमा जानै पर्ने बाध्यता रहेको छ।
भर्खरै
लोकप्रिय
