न्युयोर्क – अमेरिकी राष्ट्रपति डोनाल्ड ट्रम्पले कोरोना भाइरसको महामारीबीच आफ्नो देशमा भइरहेको संक्रमण परिक्षण विश्वकै सर्वोत्कृष्ट रहेको दावी गरेका छन्।
ट्रम्पले नेपाली समयअनुसार मंगलबार साँझ लगातार ट्वीट गर्दै प्रतिपक्षिविरुद्ध पनि खनिएका छन्। ‘ हाम्रो परिक्षण विश्वकै उत्कृष्ट छ। देशमा विभिन्न भागमा संक्रमितको संख्या कम भइरहेको छ। ती ठाउँहरु अब खुलेर पुरानै स्थितीमा फर्कन चाहन्छन्। यो भइरहेको छ, सुरक्षित तरिकाले।’
लगत्तै अर्को ट्वीटमा उनले लेखेका छन्- अमरिकीहरु यौद्धा हुन्।
उनले कोरोना महामारीलाई संकेत गर्दृै अर्को ट्वीट लेखेका छन्- यो महानताको ट्रान्जिसन हो।
Our Testing is the BEST in the World, by FAR! Numbers are coming down in most parts of our Country, which wants to open and get going again. It is happening, safely!
— Donald J. Trump (@realDonaldTrump) May 12, 2020
त्यसअघि उनले मंगलबार नै गरेका अन्य ट्वीटमा चीन र प्रतिपक्षी दलप्रति आक्रोप पोखेका छन्।
उनले एक ट्वीटमा लेखेका छन्- अमेरिकालाई चीनले जे गरेको छ त्यसमा एसियाली मुलका अमेरिकी निकै रिसाएका छन्। त्यसमा पनि चिनियाँ मुलका अमेरिकी सबैभन्दा बढी रिसाएका छन्। म उनिहरुलाई आरोप लगाउँदिन !
अर्को ट्वीटमा उनले आगामी राष्ट्रपतीय निर्वाचनमा आफ्नो पार्टीले सजिलै जित्ने दावी गर्दै विपक्षी नेता जोए बाइडेन निकै थकित र निदाईरहेको जस्तो भएको उल्लेख गरेका छन्।
भर्खरै
लोकप्रिय
