सिमकोट-सुर्खेतमा विभिन्न सञ्चार माध्यममा आवद्ध सञ्चारकर्मीहरुको कोरोना संक्रमणका लागि स्वाब संकलन कार्य आज दोस्रो दिन पनि जारी रहेको छ।
अहिलेको कोरोना संक्रमणमा पत्रकारहरु अग्रपंङ्तिमा गएर रिपोटिङ गर्नु पर्ने भएपछि कर्णाली प्रदेशको सामाजिक बिकास मन्त्रालयको सहयोगमा कोरोना संक्रमणको स्वाब संकलन कार्य गरिएको हो।
बिहिबार दिउसोसम्म थप २१ जना पत्रकारहरुको कोरोना संक्रमणको स्वाब संकलन गरिएको नेपाल पत्रकार महासंक सुर्खेतका उपाध्यक्ष ललित बसेलले बताए।
बुधबार सुर्खेतमा ४३ जना पत्रकारहरुको कोरोना संक्रमणको स्वाब संकलन भएको थियो। यसअघि पत्रकार महासंघ कर्णली प्रदेश समिति र सामाजिक बिकास मन्त्रालयबिच कर्णालीका दश वटै जिल्लामा क्रियाशिल पत्रकारहरुको स्वाब संकलन गर्ने सहमति भएको थियो।
पुर्व सहमति अनुसार पत्रकार पनि जोखिममा रहेको कारण स्वाब संकलन कार्य सुरु भएको हो। बुधबार गरिएको स्वाब संकलनको रिपोर्ट आज आउने भएको छ।
अब कर्णाली प्रदेशका अन्य नौ जिल्लामा कायरुत सञ्चारकर्मीहरुको पनि स्वाब संकलन कार्य हुनेछ। कर्णालीका अरु जिल्लाका पत्रकारहरुको सम्बन्धित जिल्लाको अस्पताल तथा स्वास्थ्य संस्थामा परिक्षणको ब्यबस्था गर्न लागिएको छ।
भर्खरै
लोकप्रिय
