सिमकोट – कर्णाली करिडोरको निकै नै असजिलो खण्डमा पर्ने च्याछरा भीरको प्रारम्भिक ट्रयाक खोल्ने कार्य चार वर्षमा पूरा भएको छ ।
निर्माण कम्पनीले तोकिएको अवधिमा काम सुरु गरेको भएपनि पटक पटक प्राविधिक कठिनाईले गर्दा काम रोकिएको भएपनि अहिले बन्दाबन्दीमा काम सुचारु गरिँदा कडा चट्टानी भागमा ट्रयाक खोल्ने कार्य पूरा भएको हो ।
असजिलो र चट्टानी भागमा बिष्फोट गरेर सडकको प्रारम्भिक ट्रयाक खोल्ने कार्य सम्पन्न भएपछि अन्तिम छेउसम्म मेशिन आई सम्याउने कार्य पूरा भएको निर्माण कम्पनी सपना धुलिखेल जेभीका प्रतिनिधि तेज बहादुर महतले बताए । उनले अब लेबल मिलाउने काम मात्र बाँकी रहेको बताए ।
च्याछरा भीर कर्णाली करिडोरकै सबै भन्दा असजिलो क्षेत्रमा पर्छ । डेढ वर्ष अगाडि बिष्फोटक पदार्थको व्यवस्था हुँदा कामले गति लिएको बताउँदै उनले अहिले बन्दाबन्दीमा पनि सडकको लेभल मिलाउने कार्य भैरहेको बताए ।
च्याछरा खण्डको भीर फुटाउने कार्य पुरा भएसँगै प्रारम्भिक ट्रयाक खोल्ने कार्य पूरा भएको हिल्सा सिमकोट सडक आयोजनाका योजना प्रमुख शशांक मिश्रले बताए । आगामी असार मसान्तसम्म उक्त खण्डमा गाडी गुड्ने उनले दाबी गरे ।
भर्खरै
लोकप्रिय
