सिमकोट – लामो समयदेखि नेपालगञ्ज, काठमाडौँ र सुर्खेतमा अलपत्र परेका माथिल्लो हुम्लाका ८४७ बासिन्दा हवाई मार्गबाट भित्रिएका छन् ।
सडक सञ्जाल नजोडिएको स्थानमा जिल्ला विपद व्यवस्थापन समितिको सिफारिस तथा गृह र संस्कृति, पर्यटन तथा नागरिक उड्डयान मन्त्रालयको समन्वयमा उनीहरु हवाई मार्गबाट जिल्ला भित्रएका हुन् ।
काठमाडौँबाट जिल्लामा आएका दीपक भण्डारीले महंगो भाडा तिरेर भए पनि अधिकांश विधार्थीले आउन पाएको बताए । बन्दाबन्दी अगाडि जिल्लामा आउन खोजे पनि बल्ल आउन पाएको भण्डारीले बताए ।
काठमाडौं, नेपालगंज र सुर्खेतमा पीसीआर गरी अलपत्र परेका मध्ये पछिल्लो पाँच दिनमा ८४७ जनाको हवाई मार्गबाट उद्धार भएको प्रहरी नायब उपरीक्षक सूर्यप्रसाद शर्मा बताए ।
सडक सञ्जाल नजोडिएको हिमाली जिल्ला हुम्लाका नागरिकहरुका लागि हवाई मार्गको विकल्प नभएकै कारण ठूलै संर्घष गरेर हुम्लाबासीको उद्धार गरिएको हो ।
हुम्लाका लागि जिल्ला बाहिर रहेका नागरिकहरुको दोस्रो चरणको उद्धार कार्य गत जेठ २६ गतेबाट सुरु भएको हो । यसअघि गत वैशाख २० र २१ गते पनि हवाई मार्गबाट उद्धार भएको थियो ।
भर्खरै
लोकप्रिय
