हुम्ला – पठनपाठन सहज बनाउनका लागि हुम्लाको सिमकोट र नाम्खाका विद्यार्थीहरुलाई निःशूल्क रुमा रुपमा रेडियो वितरण गरिएको छ । रेडियोबाट संचालित कक्षामा पहुँच नपुगेका कारण विद्यार्थीलाई रेडियो वितरण गरिएको हो ।
मोतिरामको आधारभुत विद्यालयका शिक्षक पासाङ लामाले घरमा मोबाइल रेडियो नभएका विद्यार्थीहरुले रेडियो पाएपछि दूरशिक्षामा सहज भएको बताए ।
मावि तहका विद्यार्थीहरुका लागि सदरमुकाम सिमकोट स्थित दुई रेडियोबाट कक्षा सञ्चालन भइरहेको छ । कक्षा सञ्चालन भए पनि विधार्थीको हातमा रेडियो नभएपछि पढाईमा सहभागिता हुन नसकेको गुनासो आएको थियो । शिक्षक लामाका अनुसार रेडियो पाएपछि घरको छतमा समूहमा सामाजिक दूरी कायम गरी विद्यार्थीले रेडियो सुनेर अध्ययन गर्ने गरेको बताए ।
आधार विकास नेपालमा शिक्षा क्षेत्र हेर्ने अधिकृत कन्जोक लामाका अनुसार बन्दाबन्दीको बेला कार्यक्रम मार्फत नेपाली, अंग्रेजी, विज्ञान र सामाजिक विषयको पठनपाठन भएको बताए ।
विद्यार्थीसँग मोबाइल र रेडियो नभएपछि त्यसको व्यवस्था गरिएको उनले जानकारी दिए । सिमकोट र नाम्खा गाउँपालिकाका मावि तहमा अध्ययनरत विद्यार्थीहरुलाई पाँचजनाको समूह बनाएर एकथान रेडियो वितरण गरिएको हो ।
भर्खरै
लोकप्रिय
