दिनभर सुनसान बन्यो ललितपुर, जताततै चेकजाँच र कडाइ (तस्बिरहरू)

ललितपुर- रातो मच्छिन्द्रनाथको रथ तान्ने विवादमा बिहीबार स्थानीय र प्रहरीबीच दिनभरिजसो भिडन्त भएपछि शुक्रबार बिहानैदेखि ललितपुर महानगरपालिकाको रिङरोड क्षेत्रभित्र कर्फ्यू लगाइएको छ।

कर्फ्यूका कारण उक्त क्षेत्र सुनसान बनेको छ। सर्वसाधारणहरु घर बाहिर निस्कन पाएका छैनन्। कर्फ्यूको उल्लंघन गरी घरबाट बाहिर ननिस्कन प्रशासनले आग्रह गरेको छ।

प्रशासनको कडाइपछि सडक पनि सुनसान बनेका छन्। अत्यावश्यक सेवाका सवारीसाधन बाहेक अन्य सवारीसाधन चल्न दिइएको छैन। प्रहरीले चेकजाँचमा कडाइ गरेको छ।

देश सञ्चारका पत्रकार रविन आचार्यले खिचेका तस्बिरहरू: