ब्राजिलका पूर्व राष्ट्रपति लुइज इनासिओ लुला डा सिल्वाले जेल सजाय भोग्नु पर्ने भएको छ । सिल्वामाथि भ्रमष्टाचार आरोपमा १२ वर्षको जेल सजाय सुनाइएको थियो ।
उनले आफूमाथिको आरोप राजनीतिक रुपमा प्रेरित रहेको भन्दै त्यस विरुद्ध सर्वोच्च अदालतमा अपिल गरेका थिए । तर सर्वोच्च अदालतले सिल्वाले जेल सजाय भोग्नु पर्ने बताएको बिबिसीले उल्लेख गरेको छ ।
उनले भ्रष्टाचार आरोप स्वीकार गरे पनि आफ्नो अपिलका चलिरहेका बेला जेल बाहिर नै रहन पाउनु पर्ने माग गरेका थिए । सिल्वाले आफूमाथि राजनीतिक प्रतिशोधले मुद्दा लगाइएको उनको दाबी छ ।
आउँदो अक्टोबरमा हुने राष्ट्रपति चुनावमा आफूलाई प्रतिस्पर्धा गर्न नदिने योजनाको हिस्सा रहेको उनको भनार्य छ । सर्वेक्षणमा सिल्वा राष्ट्रपतिको सबै भन्दा बलियो उम्मेदवार रहेको देखिने गरेको छ ।
सर्वोच्च अदालतले म्याराथन सेशनमा सिल्वाको मुद्दा हेर्दै जेल बाहिर रहन पाउनु पर्ने उनको माग खारेज गरेको हो ।
सिल्वा अब केही दिन जेल बाहिर स्वतन्त्र रहने र कागजी प्रक्रिया पूरा भएपछि उनलाई पक्राउ गर्ने तयारी रहेको बिबिसीले जनाएको छ । ७२ वर्षका सिल्वा सन् २००३ देखि २०११ सम्म ब्राजिलको राष्ट्रपति थिए ।
भर्खरै
लोकप्रिय
