काठमाडौं – पश्चिम तथा मध्यका अधिकांश क्षेत्रमा शनिबार दिनभर सामान्यतया मौसम बदली रहने जल तथा मौसम पूर्वानुमान महाशाखाले जनाएको छ । यस्तै पूर्वी पहाडी क्षेत्रमा पनि बदलीकै अवस्था रहने मौसमविद वरुण पौडेलले जानकारी दिए ।
उपल्लो वायुमण्डलमा बनेको न्यून चापिय प्रणाली, स्थानीय वायुको प्रभाव तथा पश्चिमी वायुको प्रभावका कारण केही दिनदेखि मौसम बदली हुने तथा पानी पर्ने गरेको मौसमविद पौडेलले जानकारी दिए ।
पश्चिमका दीपालय, धनगढीसहित काठमाडौं र आसपासका क्षेत्रमा शनिबार बिहान पनि पानी परेको थियो । दिनभर पूर्वी तराईको मौसम सफा रहे पनि अरु ठाउँमा बादल लाग्ने र केही खुलेजस्तो हुने सम्भावना रहेको मौसमविदको भनाई छ ।
प्रि–मनसुनको समय भएकाले यस्तो भएको र बेलुका तिर केही ठाउँमा मेघगर्जनसहित पानी पर्ने सम्भावना रहेको छ । तर लगातार झरी पर्ने सम्भावना भने नरहेको मौसमविद पौडेलले बताए ।
भर्खरै
लोकप्रिय
