यूएस ओपन जितेका थिएमको फ्रेन्च ओपनमा पनि विजयी सुरुवात, सिलिच सोझो सेटमा पराजित

डोमिनिक थिएमले फ्रेन्च ओपन टेनिस ग्रान्डस्लाममा शानदार सुरुवात गरेका छन्।

हालसालै करियरको पहिलो ग्रान्डस्लामका रुपमा यूएस ओपन जितेका अस्ट्रियन डोमिनिकले सोमबार भएको खेलमा मारिन सिलिचलाई सोझो सेटमा हराए। पहिलो सेट ६-४ ले जितेका थिएमले त्यसपछिका सेटहरु ६-३ र ६-३ ले हात पारे।

गत यूएस ओपनअघि  ग्रान्डस्लामको फाइनलमा तीनपटक पुगेपनि थिएमले उपाधि जित्न सकेका थिएनन्। उनले यूएस ओपनको फाइनलमा अलेक्जाण्डर जेभरेभलाई हराएका थिए।

महिला एकलतर्फ सातौँ वरियताकी पेत्रा केभितोभासहित सारा इरानी र जस्मिन पाओलिनी र बर्नार्डा पेरा दोस्रो चरणमा पुगेका छन्।