यूएस ओपनको फाइनल पुगेकी अजारेन्का फ्रेन्च ओपनको दोस्रो चरणमै निराश

एजेन्सी– १० औँ वरियताकी भिक्टोरिया अजारेन्का जारी फ्रेन्च ओपन ग्रान्डस्लाम टेनिसको दोस्रो चरणबाटै बाहिरिएकी छिन्। बेलारुसकी यी खेलाडीलाई एक सय ६१ औँ वरियतामा रहेकी अन्ना क्यारोलिना सेमिएड्लोभाले सोझो सेटमा हराइन्।

स्लोभाकियाकी सेमिएड्लोभाले ६-२ र ६-२ को सेटमा खेल जितेकी हुन्। दोस्रो सेटमा उनी घाइते भएपनि खेलमा असर परेन। अजारेन्का केही साताअघि यूएस ओपनको फाइनलसम्म पुगेकी थिइन्।

त्यतिबेला उनलाई हराएर उपाधि जितेकी नाओमी ओसाकाले चोटका कारण यो प्रतियोगिता खेलेकी छैनन्। चोटकै कारण सेरेना विलियम्सले पनि दोस्रो चरणमा नखेल्दै नाम फिर्ता लिइन्। तेस्रो वरियताकी एलिना स्भितोलिना भने तेस्रो चरण पुगेकी छिन्।