नेपालगञ्ज – नेपालगञ्जको भेरी अस्पतालमा ठाकुरबाबा–६, बर्दियाका कोरोना संक्रमित ४२ वर्षीय पुरुषको मृत्यु भएको छ ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, असोज १४ गते कोहलपुर मेडिकल कलेजमा ल्याइएका ४२ वर्षीय पुरुषलाई १६ गते कोरोना प्रमाणित भएको थियो।
उनको स्वास्थ्य अवस्था बिग्रिँदै गएपछि २७ गते भेरी अस्पतालमा पठाइएको थियो । उनको कात्तिक २ गते बिहान ३ बजे मृत्यु भएको छ ।
योसँगै बाहिरी जिल्लाबाट बाँकेमा उपचार गराउन आउँदा मृत्यु हुनेको संख्या १४ पुगेको छ।
यसैबीच, आइतबार बाँकेमा १७ जनाले कोरोनालाई जितेका छन्। अशाेज १८ गते कोरोना पुष्टि भएका उनीहरु विभिन्न आइसोलेशन सेन्टरमा बसेका थिए ।
११ पुरुष र ६ महिला गरी १७ जनालाई आज डिस्चार्ज गरिएको छ । अहिलेसम्म बाँकेमा दुई हजार ३९ जना डिस्चार्ज भएका छन् । कोरोना संक्रमितको संख्या दुई हजार ६ सय ७३ जना पुगेको छ ।
भर्खरै
लोकप्रिय
