सिमकोट – हुम्लामा हालसम्मकै सबै भन्दा धेरै जटामासी संकलन भएको छ। वातावरणीय प्रभाव मुल्यांकन हुँदा यति ठूलो परिमाणमा जटामासी संकलन गर्न संभव भएको हो ।
एक जना ब्यापारीले पाँच सय क्वीन्टलसम्म जडिबुटी खरिद गरेका छन् । संकलन भएको जडिबुटी मध्य दुई हजार क्वीन्टल सदरमुकाम सिमकोट आइपुगेको छ ।
५० देखि ४ सय क्वीन्टलसम्म जडिुबुटी खरिद गर्ने व्यापारीको संख्या २० भन्दा बढी रहेको छ । अझै एक हजार चार सय क्वीन्टल जटामासी संकलन भएको क्षेत्रबाट आउने क्रम जारी रहेको छ ।
अहिले सिमकोट विमानस्थल क्षेत्रमा जताततै जडिबुटी मात्र देखिने गरेको छ । हाल सदरमुकाम सिमकोटमा आइपुगेको जडिबुटी अधिकांश खार्पुनाथ गाउँपालिकाको छाचौरबाट आएको छ ।
चुवाखोला, लुड्फे रानी सैना र चंखेलीबाट पनि जडिबुटी संकलन हुने गर्छ । यसवर्ष विभागबाट ३४० टन अर्थात तीन हजार चार सय क्वीन्टल जटामासी संकलनको पुर्जी व्यापारीलाई दिएको डिभिजन वन कार्यालयका प्रमुख निरज झाले बताए ।
गर्तवर्ष पहिलेबाटै रोकिँदै आएको उक्त जटिबुटीसहित दुई हजार पाँच सय क्वीन्टल संकलन भई निकासी भएको थियो ।
हाल संकलन कार्य भइरहेको कारण विभागबाट छुट पुर्जी ल्याए पछि कार्यालयले नापतौल गर्ने छ । संकलन हुने क्षेत्रमा व्यापारीले प्रतिकेजी ४५० रुपैयाँसम्म मूल्य तिरेका छन्।
सदरमुकाम सिमकोटसम्म ढुवानी दर प्रतिकेजी १४० रुपैयाँसम्म परेको व्यापारीले बताएका छन्।
भर्खरै
लोकप्रिय
