अ
+
अ
अ
-
लियोनल मेस्सीको सम्झौताका सम्बन्धमा गरेको व्यवहारलाई लिएर डिफेन्डर जेराड पिकेले बार्सिलोनाको आलोचना गरेका छन् ।
स्पेनिस ला लिगा अन्तर्गत शनिबार राति एल क्लासिको अर्थात बार्सिलोना र रियल मड्रिडबिच खेल हुँदैछ । सिजनको पहिलो एल क्लासिकोको अघि पिकेले क्लबको आलोचना गरेका हुन् ।
कप्तान मेस्सीले यो सिजन क्लबबाट बाहिरिन इच्छा व्यक्त गरेका थिए । तर बार्सिलोनाले उनलाई बाध्य पारेर क्लबमै राखेको छ ।
क्लबका सर्वकालीन सर्वाधिक गोलकर्ता मेस्सी सम्झौता रहेको नियमका कारण अदालती झमेला हुन सक्ने भन्दै मन नभएर पनि बार्सिलोनामै बस्ने निर्णय गरे ।
मेस्सी सबथोक पाउनका लागि योग्य रहेको बताएका पिकेले भने, ‘हाम्रो शक्ति सुरक्षित हुनु पर्छ, यसलाई बेवास्ता गर्न मिल्दैन । नयाँ रंगशाला मेस्सीको नाममा राखिनु पर्छ र त्यसपछि स्पोन्सर गरिनु पर्छ ।’
भर्खरै
लोकप्रिय
