इण्डियन प्रिमियर लिग अन्तर्गत सोमबार राति भएको खेलमा किंग्स इलाभेन पञ्जाबले कोलकाता नाइट राइडर्सलाई आठ विकेटले पराजित गरेको छ।
कोलकातालाई हराउँदै पञ्जाबले लगातार पाँचौँ जित हासिल गरेको हो। जितसँगै पञ्जाब अंकतालिकाको चौथौ स्थानमा उक्लेको छ।
पञ्जाबले कोलकाताले जितका लागि दिएको १५० रनको लक्ष्य १८.५ ओभरमा पूरा गर्यो।
पञ्जाबका मन्दिप सिंहले अविजित ६६ तथा क्रिस गेलले ५१ रन बनाए।
मन्दिप र गेलबीच दोस्रो विकेटका लागि १०० रनको साझेदारी भयो। पाँच छक्का र दुई चौकाले सजिएको पारी खेलेर म्याचलाई पञ्जाबको हक दिलाउने क्रिस गेल म्यान अफ द म्याच घोषित भए ।
यो आइपिएल १३ मा पञ्जाबको छैठौँ जित तथा कोलताको छैठौँ हार हो। पञ्जाब १२ अंकका साथ अंक तालिकाको चौथौ स्थानमा उक्लेको छ। योसँगै पञ्जाबले प्ले अफ सम्भावना बलियो बनाएको छ ।
पाँचौँ स्थानमा झरेको कोलकाताले पनि १२ खेलमा १२ अंक नै जोडेको छ।
भर्खरै
लोकप्रिय
