अ
+
अ
अ
-
विराट कोहली कप्तानीको रोयल च्यालेन्जर्स बैंग्लोर इन्डियन प्रिमियर लिग (आइपिएल) क्रिकेट अन्तर्गत बुधबार राति भएको खेलमा पराजित भएको छ ।
अबुधाबीमा भएको खेलमा मुम्बई इन्डिउन्सले बैंग्लोरलाई पाँच विकेटले पराजित गरेको हो । १६५ रनको लक्ष्य मुम्बईले १९ ओभर १ बलमा पाँच विकेटको क्षतिमा भेट्टायो ।
मुम्बईको जितमा सूर्यकुमार यादव नायक बने । उनले ४३ बलमा १० चौका र तीन छक्काको सहयोगमा नटआउट ७९ रन बनाए । यस्तै इशान किशनले १९ बलमा २५, क्वीन्टन डी ककले १९ बलमा १८ तथा हार्दिक पाण्डेयले १५ बलमा १७ रन बनाए ।
पहिले ब्याटिङ्ग गरेको बैंग्लोरले ६ विकेटको क्षतिमा १६४ रन बनाएको थियो । उसका लागि देवदत्त पादिकलले ४५ बलमा १२ चौका र एक छक्काको सहयोगमा ७४ तथा जोश फिलिपेले २४ बलमा ३३ रनको योगदान दिएका थिए ।
भर्खरै
लोकप्रिय
