माेरङ– प्रदेश १ मा शुक्रबार ५ सय ६९ जना कोरोना संक्रमित थपिएका छन्।
विराटनगरस्थित सामाजिक विकास मन्त्रालयका अनुसार मोरङमा २ सय ५३, झापामा १ सय ४३, सुनसरीमा १ सय १२, उदयपुरमा १२, इलाममा ११, धनकुटामा ४, भोजपुरमा ३, सोलुखुम्बुमा २, पाँचथर, खोटाङ र तेह्रथुममा समान १ र प्रदेश १ बाहिरका २६ जना रहेका छन्।
मन्त्रालयका अनुसार विराटनगर महानगरपालिकामा ६१ महिला र ८६ पुरुष गरी कुल १ सय ४७ जनामा संक्रमण पुष्टि भएको मन्त्रालयले जनाएको छ।
मोरङको सुन्दरहरैंचा नगरपालिकामा २०, पथरीशनिश्चरे नगरपालिकामा १८, कटहरी गाउँपालिकामा ९, सुनवर्षी नगरपालिकामा ८, ग्रामथान गाउँपालिकामा ७, बुढीगंगा गाउँपालिका र उर्लाबारी नगरपालिकामा समान ६, धनपालथान गाउँपालिका र बेलबारी नगरपालिकामा समान ५, केराबारी, कानेपोखरी, जहदा, मिक्लाजुङ गाउँपालिका र रंगेली नगरपालिकामा समान ४ र रतुवामाई नगरपालिकामा २ जनाको रिपोर्ट पोजिटिभ आएको छ।
झापाको दमक नगरपालिकामा ७५, विर्तामोड नगरपालिकामा १५, गौरादह नगरपालिकामा १०, कमल गाउँपालिकामा ९, कनकाई नगरपालिकामा ६, भद्रपुर नगरपालिकामा ५, मेचीनगर र अर्जुनधारा नगरपालिका र बुद्धशान्ति गाउँपालिकामा समान ४, शिवसताक्षी नगरपालिका र हल्दिबारी गाउँपालिकामा समान ३, बाह्रदशी गाउँपालिकामा २, गौरीगञ्ज नगरपालिका र झापा गाउँपालिकामा समान १ र स्थानीय तह नखुलेका १ जनामा संक्रमण देखिएको मन्त्रालयले जनाएको छ।
सुनसरीको इटहरी उपमहानगरपालिकामा ३९, धरान उपमहानगरपालिकामा ३६, इनरुवा नगरपालिकामा ११, बराहक्षेत्र नगरपालिकामा ८, रामधुनी नगरपालिकामा ४, भोक्राहा नरसिंह गाउँपालिकामा ३, दुहवी नगरपालिका, गढी, बर्जु र देवानगञ्ज गाउँपालिकामा समान २, कोशी गाउँपालिकामा १ र स्थानीय तह नखुलेका २ जनाको रिपोर्ट पोजिटिभ आएको छ।
उदयपुरको त्रियुगा नगरपालिकामा ९, बेलका नगरपालिकामा २ र स्थानीय तह नखुलेको १ जनामा समेत संक्रमण पुष्टि भएको छ।
त्यसैगरि, इलामको इलाम नगरपालिकामा ६, फाकफोकथुम गाउँपालिकामा ५, धनकुटाको धनकुटा नगरपालिकामा ३ र शहिदभूमि गाउँपालिकामा १, भोजपुरमा ३, सोलुखुम्वुको सोलुदुधकुण्ड नगरपालिकामा २, पाँचथरको फिदिम नगरपालिका, खोटाङको दिप्रङ चुईचुम्वा गाउँपालिका र तेह्रथुमको म्याङलुङ नगरपालिकामा समान १ र प्रदेश १ बाहिरका २६ जनाको रिपोर्ट पोजिटिभ आएको छ।
यससँगै प्रदेशभर हालसम्म कोरोना संक्रमितको संख्या १८ हजार ९ सय ५३ पुगेको छ।
प्रदेश शुक्रबार ६ सय १९ जना संक्रमित निको भएर डिस्चार्ज भएका छन्। प्रदेशका विभिन्न स्थानका होम आइसोलेसनबाट ५ सय ९५, झापाको मेची अस्पतालबाट १३, विराटनगरको न्यूरो अस्पतालबाट ८ र धरानस्थित वीपी कोइराला स्वास्थ्य विज्ञान प्रतिष्ठानबाट ३ जना डिस्चार्ज भएका हुन्। हालसम्म डिस्चार्ज हुनेको संख्या १० हजार ७ सय ९८ पुगेको छ। यससँगै प्रदेशमा हालसम्म १ सय ८१ जना संक्रमितको उपचारका क्रममा मृत्यु भएको छ।
प्रदेश शुक्रबार १ हजार ९ सय ६० जनाको पीसीआर परीक्षण गरिएको थियो। परीक्षण गरिएकामध्ये २ सय २३ महिला र ३ सय ४६ पुरुषको रिपोर्ट पोजिटिभ आएको हो। हालसम्म १ लाख ५८ हजार ९ सय ४८ जनाको पीसीआर परीक्षण गरिएको सामाजिक विकास मन्त्रालयले जनाएको छ।
भर्खरै
लोकप्रिय
