झापाका ७३ वर्षे कोरोना संक्रमितको मृत्यु

विराटनगर – धरानस्थित वीपी कोइराला स्वास्थ्य विज्ञान प्रतिष्ठानमा उपचाररत कोरोना संक्रमित बृद्धको मृत्यु भएको छ । झापाको गौरीगञ्ज नगरपालिकाका ७३ वर्षीय बृद्धको शनिबार बिहान पौने ७ बजे मृत्यु भएको हो ।

प्रतिष्ठानका सहप्रवक्ता डा. आशिष श्रेष्ठका अनुसार मुटु सम्बन्धी रोगबाट पीडित बृद्धमा कात्तिक ६ गते कोरोना संक्रमण पुष्टि भएको थियो ।

त्यसपछि स्वास्थ्यमा थप समस्या देखिएपछि उनलाई कात्तिक ७ गते प्रतिष्ठानमा थप उपचारका लागि भर्ना गरिएको डा. श्रेष्ठले जानकारी दिए।

प्रतिष्ठानमा उपचारका क्रममा हालसम्म ८० जना संक्रमितको मृत्यु भएको छ । प्रतिष्ठानमा हाल १९ जना संक्रमित आइसोलेशनमा उपचाररत छन् ।