धान लोड गरेको ट्र्याक्टर दुर्घटना हुँदा चालकको मृत्यु

वीरगञ्ज– पर्साको जगरनाथपुर गाउँपालिकामा आइतबार बिहान ट्र्याक्टर दुर्घटना हुँदा चालकको मृत्यु भएको छ।

जगरनाथपुर गाउँपालिका–२ लक्ष्मीपुर टोलमा लु ३ त १२१६ नम्बरको ट्र्याक्टर दुर्घटना भएको थियो। धान लाेड गरी वीरगञ्ज आउँदै गरेको ट्र्याक्टर दुर्घटना हुँदा चालक ३५ वर्षीय राम मनोहर साहको मृत्यु भएको प्रहरीले जनाएको छ।

लक्ष्मीपुरमै रहेको चन्द्रवाती खोलाको पुलबाट करिब १ सय मिटर तल खस्दा चालक साह ट्र्याक्टरले च्यापिएका थिए।अनियन्त्रित भएर ट्र्याक्टर दुर्घटना हुँदा ट्र्याक्टर धनीसमेत रहेका चालक साहको घटनास्थलमै ज्यान गएको प्रहरी चौकी पाँडेपुरले जानकारी दिएको छ।