जनकपुर- प्रदेश २ मा सबैभन्दा बढी वालवालिका विद्यालय भन्दा बाहिर रहेको तथ्यांक एक कार्यक्रममा प्रस्तुत गरिएको छ।
समाजिक विकास मन्त्रालयद्वारा आयोजित विद्यार्थी भर्ना अभियान २०७५ तथा पाठ्यपुस्तक उपलब्धता सम्बन्धी कार्यक्रममा प्रदेश २ मा एक लाख ९५ हजार वालवालिका विद्यालयभन्दा बाहिर रहेको तथ्यांक सार्वजनिक गरिएको छ।
शिक्षामन्त्री गिरीराजमणी पोखरेलको प्रमुख्य आतिथ्यमा विहीवार अपराह्न २-३०मा सुरु भएको कार्यक्रममा प्रदेशको ८ वटै जिल्लाबाट उपस्थित भएका जिल्ला शिक्षा अधिकारीहरुले आ(आफ्नो जिल्लाको विद्यालय बाहिर रहेका विद्यार्थीहरुको संख्या बारे बताएका छन्।
प्रदेश २ का भौतिक तथा पुर्वाधारमन्त्री जितेन्द्र सोनलको अध्यक्षतामा शुरु भएको कार्यक्रममा विद्यालय बाहिर रहेको विद्यार्थीहरुको संख्यामा बारामा सबैभन्दा बढी ३० हजार भन्दा बढी विद्यार्थी र सबभन्दा कम सप्तरीमा ७ हजार ६ सय विद्यार्थी विद्यालय बाहिर रहेको तथ्यांक सार्वजनिक भएको छ।
यस्तै, धनुषामा भने २७ हजार ३ सय ९७ वालवालिका विद्यालयभन्दा बाहिर रहेको तथ्यांक छ। तथ्यांक अनुसार विद्यालय बाहिर रहेको वालवालिका धनुषा जिल्ला प्रदेशकै दोस्रो स्थानमा छ।
विद्यालय वाहिर रहेको वालिकाको संख्या सिरहामा १३ हजार ५ सय ९९, महोत्तरीमा १० हजार ६ सय ५०, सर्लाहीमा १३ हजार ७ सय ४९ र रौतहटमा २२ हजार र पर्सामा ११ हजार २ सय १ रहेको छ।
कार्यक्रममा प्रदेश २ का मुख्यमन्त्री लालबाबु राउत गद्दी, सचिव राजेश्वरमान सिंह, विरगंजका प्रमुख विजय कुमार सरावगी लगायत प्रदेशको ८ वटै जिल्लाका जिल्ला शिक्षा अधिकारीहरको उपस्थिती रहेको छ।
भर्खरै
लोकप्रिय
