अ
+
अ
अ
-
नेपालगञ्ज-नेपालगञ्ज उपमहानगरपालिका वडा नं. २ का वडा सदस्य शान्तिदेवी परियारको कोरोनाबाट मृत्यु भएको छ ।
शंका लागेपछि कात्तिक ३ गते स्वाव परीक्षण गराएकी ६७ वर्षीया वडा सदस्य परियारलाई भोलीपल्ट कोरोना पुष्टि भएको थियो ।
जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले कोरोना पुष्टि भएपछि भेरी अस्पतालमा निरन्तर उपचार गराएकी वडा सदस्य परियारको सोमबार विहान साढे दश बजे मृत्यु भएको जानकारी दिए ।
पछिल्लो दिनमा फेरि जिल्लामा कोरोनाबाट दैनिकजसो नै मृत्यु हुने गरेको छ । योसँगै बाँकेमा कोरोनाबाट मृत्यु हुनेको संख्या ३४ पुगेको छ।
यसैबीच, नेपाली कांग्रेस, बाँकेकी सभापति किरण कोइरालाले निर्वाचित वडा सदस्य र नेपाली कांग्रेसकी नेतृ परियारको निधनले पार्टीमा ठूलो क्षति पुगेको बताएकी छन्।
भर्खरै
लोकप्रिय
