बिरामी श्रीमतीको हेरचाह गराउने नाममा ६६ वर्षीया वृद्धालाई कोलकाता पुर्‍याएर यौन शोषण

काठमाडौं- ६६ वर्षीया वृद्धालाई भारतको कोलकाता पुर्‍याएर यौन शोषण गरेको आरोपमा काठमाडौँको चन्द्रागिरी नगरपालिका-५ का चन्द्रबहादुर अधिकारी पक्राउ परेका छन्।

लमजुङको बेसीसहर स्थायी घर भई चन्द्रागिरीमा बस्दै आएका ६३ वर्षीय अधिकारीले श्रीमतीलाई भारतमा उपचार गर्न लैजानुपर्ने भएकाले उनको स्याहारसुसार गर्ने चाहिएको भन्दै आर्थिक प्रलोभन देखाएर ती वृद्धालाई कोलकाता पुर्‍याएको प्रहरीको मानव बेचबिखन अनुसन्धान ब्युरोले जनाएको छ।

ब्युरोले अधिकारीले चितवनको भरतपुरबाट पक्राउ गरेको हो।