धनगढीका ९२ वर्षीय कोरोना संक्रमितको सेती अस्पतालमा मृत्यु

धनगढी – सेती प्रादेशिक अस्पतालमा उपचाररत ९२ वर्षीय कोरोना संक्रमित पुरुषको मृत्यु भएको छ। धनगढी उपमहानगरपालिका –५ का संक्रमित पुरुषको सेती प्रादेशिक अस्पतालमा उपचारका क्रममा मृत्यु भएको हो ।

कोरोना संक्रमण पुष्टि भएपछि उनको १७ गतदेखि प्रादेशिक अस्पतालमा उपचार भइरहेको थियो। अस्पतालका सूचना अधिकारी दीलिप कुमार श्रेष्ठका अनुसार बिहीबार बिहान उनको मृत्यु भएको हो । संक्रमितको भेन्टिलेटरमा राखेर उपचार भइरहेको थियो ।