शीर्ष स्थानको होडमा रहेको लिभरपुल इंग्लिस प्रिमियर लिग फुटबल अन्तर्गत आइतबार राति भएको खेलमा म्यानचेस्टर सिटीसँग बराबरीमा रोकिएको छ ।
घरेलु मैदानमा भएको खेलमा म्यानचेस्टर सिटीले लिभरपुललाई १–१ को बराबरीमा रोके पनि जित निकाल्न भने सकेन ।
१३ औँ मिनेटमा पाएको पेनाल्टीमा मोहम्मद सालहले गोल गरि लिभरपुललाई अग्रता दिलाए। ३१ औँ मिनेटमा केविन डी ब्रूयनाको सहयोगमा गाब्रिएल जिससले गोल गरेर सिटीलाई बराबरीमा ल्याए ।
मध्यान्तर अघि पाएको पेनाल्टीमा डी ब्रुयनाले गोल गर्न सकेनन् र सिटीले जित निकाल्ने सुनौलो अवसर गुमायो। बराबरीपछि तेस्रो स्थानको लिभरपुलको ८ खेलबाट १७ अंक भएको छ । सात खेलबाट १२ अंक जोडेको म्यानचेस्टर सिटी दशौँ स्थानमा रहेको छ ।
लिग अन्तर्गत आइतबार राति भएको खेलमा शीर्ष स्थानको लेस्टर सिटीले वुल्भ्सलाई १–० ले पराजित गरेको छ। १५ औँ मिनेटमा पाएको पेनाल्टीमा जेमी भर्डीले गोल गरि जित दिलाएका हुन् ।
जितपछि लेस्टर सिटीको ८ खेलबाट १८ अंक रहेको छ ।
अर्को खेलमा एस्टन भिल्लाले आर्सनललाई ३–० ले पराजित गरेको छ।
भर्खरै
लोकप्रिय
