मोरङ-धरानस्थित वीपी कोइराला स्वास्थ्य विज्ञान प्रतिष्ठानमा उपचाररत कोरोना भाइरस कोभिड १९ संक्रमित एक पुरुषको मृत्यु भएको छ।
प्रतिष्ठानका सहप्रवक्ता डा. आषिश श्रेष्ठका अनुसार मोरङ पथरीशनिश्चरे नगरपालिका १ का ६५ वर्षीय पुरुषको उपचारका क्रममा सोमबार विहान ९ बजेर ५ मिनेटमा मृत्यु भएको हो।
उच्च रक्तचाप र मधुमेहबाट पीडित विरामीमा कार्तिक १३ गते कोरोना भाइरस कोभिड १९ संक्रमण पुष्टि भएको थियो। त्यसपछि स्वास्थ्य अवस्था जटिल बन्दैगर्दा उनलाई कार्तिक २३ गते प्रतिष्ठानको कोभिड १९ अस्पतालमा भर्ना गरिएको डा. श्रेष्ठले जानकारी दिए।
हाल शवको ब्यवस्थापन कार्य जारी रहेको प्रतिष्ठानले जनाएको छ । त्यसैगरि, हालसम्म प्रतिष्ठानमा उपचारका क्रममा ९४ जना संक्रमितको मृत्यु भएकोछ।
प्रतिष्ठानमा हाल ३२ जना पोजिटिभ उपचाररत रहेका द्धन भने, ४ जना शंकास्पद र १४ जना आइसोलेसनमा रहेका छन् ।
भर्खरै
लोकप्रिय
