धरानमा एक संक्रमितको मृत्यु

विराटनगर – धरानस्थित वीपी कोइराला स्वास्थ्य विज्ञान प्रतिष्ठानमा कोरोना संक्रमित एक वृद्धको उपचारको क्रममा मृत्यु भएको छ ।

प्रतिष्ठानका सहप्रवक्ता डा. आशिष श्रेष्ठका अनुसार झापा घर भएका ८० वर्षीय वृद्धको आइतबार अपरान्ह ४ बजेर २५ मिनेटमा मृत्यु भएको हो। पहिलेबाटै कुनै दीर्घरोगबारे प्रष्ट जानकारी नभएको जनाउँदै उनले बिरामीमा कात्तिक २८ गते कोभिड–१९ संक्रमण पुष्टि भएको जानकारी दिए।

स्वास्थ्य अवस्था जटिल बन्दै गएपछि उनलाई प्रतिष्ठानको कोभिड–१९ अस्पतालमा कात्तिक २९ गते भर्ना गरि उपचार सुरु गरिएको थियो।