काठमाडौं- मिस थारु को पहिलो उपाधि चितवनकी जेनिशा चौधरीले चुमेकी छिन्।
सोमबार राजधानीको राष्ट्रिय नाचघर जमलमा आयोजित अन्तिम स्पर्धामा २६ जना प्रतिस्पर्धीलाई पछि पार्दै जेनिशाले उपाधि जितेकी हुन्।
उनलाई प्रमुख निर्णायक मिस नर्थ इन्डिया २०१३ की विजेता इशा सिंहले ताज पहिर्याइदिएकी थिइन्।
यस्तै फस्ट रनरअप बर्दियाकी सम्झना चौधरी र सेकेन्ड रनरअप एरिसा चौधरी भइन्। दुवै रनरअपलाई मिस नेपाल इन्टरनेसनल २०१६ की विजेता वर्षा लेखीले ताज पहिर्याइदिएकी थिइन्।
उपाधि जित्ने जेनिशाले विजेताले ५० हजार नगद पुरस्कार पाए भने फस्ट रनरअप सम्झनाले २० हजार र सेकेन्ड रनरअप एरिसाले १० हजार पुरस्कार पाइन्।
त्यस्तै सोमबारै भएको मिस्टर थारुको उपाधि सप्तरीका चन्दन चौधरीले जितेका छन्। उनले २० जना प्रतिस्पर्धीलाई उछिनेर उक्त उपाधि जितेका हुन्। उनीसँगै फस्ट रनरअप सुभम चौधरी र सेकेन्ड रनरअप प्रद्युमन चौधरी भए। विजेता चन्दनले पनि ५० हजार पुरस्कार पाए भने फर्स्ट र सेकेण्ड रनरअपले क्रमश २० र १० हजार रुपैयाँ पाए।
यो पनि हेर्नुहोस्:
भर्खरै
लोकप्रिय
