जनकपुरधाम-झारफुकको नाममा बलात्कार गरेको आरोपमा सिरहामा मुस्लिम धर्मगुरु पक्राउ परेका छन्।
सिरहाको लहानबाट मुस्लिम धर्मगुरु मौलवी(हजरत)लाई पक्राउ गरिएको सिरहाका प्रहरी उपरीक्षक उमाशंकर पंजियारले जानकारी दिए ।
पक्राउ पर्नेमा मिर्चैया नगरपालिका वडा नं. १० महेशपुर गाउँका ३५ वर्षीय मोहम्मद अली हसन रहेको उनले बताए।
मौलवी लहानमा डेरा गरी बस्दै आएका थिए । जर्वजस्ती करणी मुद्दामा सरकारी वकिल कार्यालय मार्फत अदालतबाट ५ दिनको म्याद लिई अनुसन्धान थालेको सिरहा प्रहरीले जनाएको छ ।
मंगलबार साँझ लहान नगरपालिका वडा नं. ७ की २३ वर्षीया मुस्लिम युवती समान्य विरामी परेपछि आफ्नो जातिय धर्मगुरुसँग झारफुक गराउन मौलवीका डेरामा पुगेकी थिइन्।
मौलवीले झारफुकको नाममा बलात्कार गरेका भन्दै आफ्नो परिवारजनलाई भनेपछि घटना प्रहरीमा पुगेको हो ।
प्रहरीले मौलवीलाई लहान नगरपालिका वडा नं. १० बाट मंगलबार राति नै नियन्त्रणमा लिएको हो।
भर्खरै
लोकप्रिय
