कोरोना भाइरसबाट संक्रमित भएका व्यक्तिको फोक्सोमा संक्रमण निको भएको तीन महिना भन्दा बढि समयसम्म असर पर्ने देखिएको अनुसन्धानकर्ताले बताएका छन् ।
तर यो विषय अझै पनि खोज र विवादको विषय रहेको अनुसन्धानमा संलग्न वैज्ञानिकले बताएका छन् ।
अक्सोफोर्ट विश्वविद्यालयमा १० जना संक्रमितमा गरिएको अध्ययनमा कोरोना भाइरसको संक्रमणका कारण तीन महिना भन्दा बढि समय फोक्सोमा असामान्य असर देखिएको हो ।
सो असर नोवल स्क्यानिङ्गबाट मात्रै थाहा पाउन सकिने अध्ययनमा संलग्नले बताएका छन् । कन्भेन्सल स्क्यानबाट कोरोना भाइरसको संक्रमणबाट फोक्सोमा पर्ने असरबारे थाहा नहुने अनुसन्धानकर्ताले बताए ।
जेनन ग्यासको प्रयोग गरेर एमआरआई स्क्यान गरेर फोक्सोमा परेको असर देखिएको हो ।
फोक्सो रोग विज्ञहरुले कोभिड–१९ का बिरामीमा दीर्घकालीन असर पर्ने देखिनुले बिरामीहरुमा ठूलो प्रभाव पर्ने बताएका छन् ।
१९ देखि ६९ वर्ष उमेर समूहका १० जनामा गरिएको अध्ययनमा तीन महिना भन्दा लामो समय असर पर्ने देखिएको र थप अनुसन्धानको खाँचो रहेको प्रमुख अनुसन्धानकर्ता प्रोफेसर फेर्गुस ग्लीसनले जनाएका छन् ।
भर्खरै
लोकप्रिय
