सिमकोट-गत शुक्रवार राती सिमकोट गाउँपालिकाको वडा नम्बर ७ को थायामा बोलेरो जीप दुर्घटनामा ज्यान गुमाएका चार जनाको अन्त्येष्टि आइतबार गरिएको छ।
अस्पतालको शव गृहमा रहेका चार वटै लाशको पोष्टमार्टम भएपछि अस्पतालले लाश आफन्तलाई बुझाएपछि अन्त्येष्टि भएको हो।
मृतकका आफन्तलाई खार्पुनाथ यातायातले किरीया खर्च सहयोग गर्ने कुरा मिलेपछि आइतबार बिहान पोष्ट मार्टम भएको अस्पतालकी सिनियर अनमी सरिता बोहराले बताइन्।
पोष्टमार्टम भएपछि चारवटै शव आफन्तलाई बुझाएको र आफन्तले आफ्नो परम्परा अनुसार अन्त्येष्टि गरेका हुन् ।
कर्णाली करिडोरको सिमकोट हेक्पा खोला खण्डमा पर्ने उक्त कच्ची सडकमा जीप दुर्घटना हुँदा चारजनाको घटना स्थलमै मृत्यु भएको थियाे भने सात जना घाइते भएका हुन् ।
दुर्घटनाबाट मृत्यु हुनेमा सिमकोट गाउँपालिका वडा नम्बर २ का पारस बोहरा, सोही गाउँपालिका वडा नम्बर ७ का पर्व सुनार, नाम्खा गाउँपालिका वडा नम्बर १ का गुरु तामाङ्ग र ढुकी तामाङ्ग हुन् । घाइते मध्य एक जना नेपालगंज उपचार भइरहेको छ।
भर्खरै
लोकप्रिय
