विराटनगरमा मङ्गबारबाट १० औं राष्ट्रपति रनिङ शिल्ड तथा अन्तर विद्यालय खेलकुद प्रतियोगिता सुरु भएको छ ।
स्थानीय सहिद रंगशालामा सुरु भएको प्रतियोगितामा जिल्लास्तरका ५० वटा निजी तथा सामुदायिक विद्यालयको सहभागिता रहेको छ ।
प्रतियोगिता अन्र्तगत भएको तेक्वान्दोमा महिलातर्फ ४२ केजी तौलसमूह मुनि बालजगत स्कुलकी इन्दिरा थापा पहिलो भइन्। त्यसैगरी आदर्श बोर्डिङ स्कुलकी रक्षा लिम्बू द्वितीय र ब्राइटफ्युचर बोर्डिङ स्कुलकी सृष्टि राई तृतीय भए। ४४ केजी तौलसमूह मुनि बालजागृति स्कुलकी आस्मा राई प्रथम, आदर्श बोर्डिङ स्कुलकी पुनम जोशी द्वितीय र बाल सदन स्कुलकी जेसिका खनाल तृतीय भइन्।
४६ केजी मुनि ब्राइटफ्युचर स्कुलकी सन्तोषी राई प्रथम, आदर्श बोर्डिङ स्कुलकी कोमल लिम्बू द्वितीय र बालजगत स्कुलकी रेश्मा कार्की तृतीय भइन्। त्यसैगरी पुरुषतर्फ ४५ केजी मुनि सिंहबाहिनी माविका कमल राई प्रथम, ब्राइटफ्युचरका सुजन लुइँटेल द्वितीय र ग्रोगाह माविका शिवकुमार यादव तृतीय भए । ४८ केजी मुनि सिदार्थ स्कुलका अभिषेक भट्टराई प्रथम, आदर्श बोर्डिङ स्कुलका लाओस लिम्बू द्वितीय र ब्राइटफ्युचरका प्रकाश बस्नेत तृतीय भए ।
त्यसैगरी कबड्डीको पुरुषतर्फ सिद्धकाली मावि, सुुकुना मा.विले पराजित गर्दै दोस्रो चरणमा प्रवेश गरेको छ । महिलातर्फ भने राधिका मावि स्कुल डाँडालाई सुकुना माविले पराजित गर्दै दोस्रो चरणमा प्रवेश गरेको छ ।
जिल्ला खेलकुद विकास समिति मोरङले आयोजना गरेको प्रतियोगिताको उद्घाटन सामाजिक विकास मन्त्री जीवन घिमिरेले गरेका थिए ।
प्रतियोगिता कराते, तेक्वान्दो, उसु, भलिबल, कबडी र एथलेटिक्सका खेलमा ६ सय खेलाडी सहभागी हुने छन् । प्रतियोगिताको प्रथमले नगद ५० हजार रुपैयाँका साथै रनिङ शिल्ड प्राप्त गर्ने छन् भने दोस्रोले नगद ३५ हजार रुपैयाँ र तेस्रोले नगद ९ हजार रुपैयाँ पुरस्कार पाउने छन् ।
भर्खरै
लोकप्रिय
