आफ्नो अभिनयले बलिवुडमा आफ्नो पहिचान बनाउन सफल भारतीय कलाकार राजकुमार रावले ‘जिहाद’ को परिभाषा पवित्र रहेको बताएका छन् । कुरानले जिहादलाई निष्कलंक भएपनि मानिसले आफ्नो सुविधाको लागि यसको अर्थलाई तोडमोड गरेको बताए ।
रावले जिहादले हिंसाको कुरा नगर्ने बताएका छन् । उनका अनुसार जिहादको अर्थ बंगाएर मानिसको मनमा हिंसाको भाव बुझाउने बनाइएको छ ।
राव आउँदै गरेको चलचित्र ‘ओमेर्टा’ मा कुख्यात आतंकवादी अहमद ओमर सईद शेखको भूमिकामा देखिदैँछन् । चलचित्रको पात्रमा आफूलाई ढाल्नको लागि उनले धेरै डकुमेन्ट्रि र घृणा भएको भाषण पनि सुने ।
यहि क्रममा रावले बुझे कि निर्दोष युवाहरुको दिमागमा कसरी घृणा भरिन्छ र जिहादको नाम दिएर उनीहरुको ब्रेन वास गरिन्छ । रावका अनुसार युवाहरुको निर्दोषपनको फाइदा उठाएर केही व्यक्तिले गतल काम गराइरहेका छन् । उनले सिरियामा भइरहेको द्वन्द्व पनि यसको उदहारण भएको बताए ।
ओमेर्टा चलचित्र संसारमा भइरहेको गलत कामको ऐना हो । यसमा एक वुद्धिमान केटा जसले समावमा परिवर्तन ल्याउन सक्थ्यो तर कसरी गलत बाटो रोजेर डरलाग्दो आतंकवादी बन्यो भन्ने देखाइएको छ ।
चलचित्र कुनै सम्प्रदाय केन्द्रित नभएको प्रस्ट पार्दैै रावले भने, ‘हामीले मुस्लिम केटा कसरी आतंकवादी बन्यो भन्नेमा जोड दिएका छैनौँ, हामीले उसको धर्ममा हैन, उसको मनस्थिती र परिस्थिती र त्यसमा उसको प्रतिक्रिया कस्तो रहन्छ भन्ने देखाउन खोजेका हौँ ।’
स्वतन्त्र फिल्ममा अभिनय गर्न रुचाउने रावका शाहीद, न्यूटन, बरेलीकी बर्फी फिल्म सफल भइसकेका छन् । उनी यो वर्ष कंगना रानावतसँग ‘मेन्टल हे क्या’ सँगै अनिल कपूर र ऐश्वर्या राय बच्चन अभिनित चलचित्र ‘फन्ने खान’ मा पनि देखिनेछन् ।
हंसल मेहेता निर्देशित चलचित्र ओमेर्टा अप्रिल २० मा रिलिज हुन्छ । ओमेर्टा इटालियन शब्द हो । यो आतंकवादी गतिविधिमा संलग्न मानिसलाई बझाउन प्रयोग गरिन्छ ।
यो एक अर्कोमा बफादार छौँ भन्ने कोड ल्याङग्वेज पनि हो, जसले ओर्मेटाको वाचा लिन्छ उसले एक अर्काको गुनाहको बारेमा प्रहरीलाई केही नभन्ने प्रतिज्ञा पनि गरेको हुन्छ ।
भर्खरै
लोकप्रिय
