अ
+
अ
अ
-
लगातार नौ सिजन उपाधि जितेको युभेन्टसले इटालियन सिरी ए फुटबल अन्तर्गत शनिबार राति भएको खेलमा महत्वपूर्ण जित निकालेको छ ।
अवे मैदानमा भएको खेलमा युभेन्टसले पार्मालाई ४–० ले पराजित गरेको हो । युभेन्टसको जितमा क्रिष्टियानो रोनाल्डोले दुई गोल गरे । यस्तै कुलुसेभ्स्की र अल्भारो मोराटाले एक–एक गोल गरे ।
कुलुसेभ्स्कीले २३ औँ मिनेटमा गोल गरि टिमलाई सुरुवाति अग्रता दिलाए । रोनाल्डोले २६ र ४८ औँ मिनेटमा गोल गरेर टिमलाई बलियो अवस्थामा लगे । यस्तै मोराटाले ८५ औँ मिनेटमा गोल गरेपछि युभेन्टसले प्रभावशाली जित दर्ता गरेको हो ।
जितपछि तेस्रो स्थानको युभेन्टसको १३ खेलबाट २७ अंक भएको छ । उसले दोस्रो स्थानको इन्टर मिलानसँग अंक बराबरी गरेको छ ।
भर्खरै
लोकप्रिय
