कास्की – जिल्ला प्रहरी कार्यालय कास्कीले हबलदार तथा जवानहरुका लागि बल प्रयोगको सिद्धान्त तथा हातहतियारको प्रयोग सम्बन्धी विशेष प्रशिक्षण सुरु गरेको छ ।
कास्की प्रहरीले मंगलबारदेखि चार दिने प्रशिक्षण थालेको हो । प्रहरी प्रशिक्षण प्रधान कार्यालय महाराजगंजको तत्वावधान र गण्डकी प्रदेश प्रहरी तालिम केन्द्र पोखराको संयोजनमा सो तालिम भइरहेको छ ।
देशमा राजनीतिक घटनाक्रम तीव्र रुपमा विकसित भइरहेको तथा सुरक्षा सतर्कता बढाइएका बेला कास्की प्रहरीले बल प्रयोग सिद्धान्त तथा हतियार प्रयोगको सम्बन्धमा तालिम थालेको हो ।
तर नेपाल प्रहरीका प्रवक्ता बसन्तराज कुँवरले सो तालिम नियमित कार्याक्रम अन्तर्गतकै रहेको बताएका छन् । उनका अनुसार प्रहरी एकेडेमीको वार्षिक कार्यक्रम अनुसार नै उक्त प्रशिक्षण भइरहेको हो ।
जिल्लाहरुले आफ्नो अनुकुलता अनुसार प्रशिक्षण दिने गरेको उनको भनाई छ । अहिलेको राजनीतिक परिवेशसँग सो तालिमको कुनै सम्बन्ध नरहेको उनले बताएका छन् ।
भर्खरै
लोकप्रिय
