इंग्लिस प्रिमियर लिग फुटबलमा आर्सनलले लगातार दोस्रो खेलमा जित दर्ता गरेको छ । प्रशिक्षक मिकेल आर्तेताका अनुसार यो जित टिमका लागि फरक विश्व जस्तो बनेको छ ।
लिग अन्तर्गत मंगलबार राति भएको खेलमा आर्सनलले ब्राइटनलाई १–० ले पराजित गरेको हो । अवे मैदानमा भएको खेलमा ६६ औँ मिनेटमा एलेक्सान्ड्र लाकाजेटीले गरेको गोल नै आर्सनलको जितका लागि निर्णायक बन्यो ।
यसअघि डिसेम्बर १९ मा एभर्टनसँग पराजित भएपछि १४ खेल सकिँदा आर्सनल रेलिगेशन जोनबाट मात्रै चार अंक माथि रहेको थियो ।
तर त्यसपछि अवस्था परिवर्तन हुँदै गएको देखिएको छ । गएको सप्ताअन्तमा उसले चेल्सीलाई ३–१ ले पराजित गरेको थियो । मंगलबार राति भएको खेलमा जित निकालेपछि आर्सनल १६ खेलबाट २० अंकसहित १३ औँ स्थानमा उक्लिएको छ ।
लिग अन्तर्गत मंगलबार राति भएका अरु खेलमा बर्नलीले शेफिल्ड युनाइटेडलाई १–० तथा लीड्स युनाइटेडले वेष्ट ब्रोमलाई ५–० ले पराजित गरेको छ । यस्तै अर्को खेलमा साउथह्याम्पटन र वेष्ट ह्यामले गोलरहित बराबरी खेलेका छन् ।
भर्खरै
लोकप्रिय
