अ
+
अ
अ
-
भारतले अस्ट्रेलियाविरुद्धको चार खेलको टेस्ट शृंखला जित्न ३ सय २८ रन बनाउनु पर्ने भएको छ। चौथो खेलमा घरेलु टोली अस्ट्रेलिया २ सय ९४ रनमा सिमित भएपछि भारतले शृंखला जित्ने सम्भावना देखिएको छ। पहिलो पालीमा अस्ट्रेलियाले ३३ रनको अग्रता लिएको थियो।।
दोस्रो पालीमा अस्ट्रेलियाका कप्तान स्टिभ स्मिथले सर्वाधिक ५५ रन जोडे। डेभिड वार्नरले ४८, मार्कस ह्यारिसले ३८ र क्यामरुन ग्रिनले ३७ रन बनाए। भारतका बलर मोहम्मद सिराजले पाँच र टी नाटाराजनले चार विकेट हात पारे।
शृंखलाअन्तर्गत पहिलो खेल अस्ट्रेलिया र दोस्रो खेल भारतले जितेका थिए। तेस्रो खेल बराबरीमा सकिएको थियो। चौथो दिनको खेल भइरहेका बेला भारतले दोस्रो पालीमा विकेट नगुमाई ४ रन जोडेको छ।
भर्खरै
लोकप्रिय
