काठमाडौँ– पाटन उच्च अदालतका मुख्य न्यायाधीश कुमार चुडाल र सुर्खेत उच्च अदालतका मुख्य न्यायाधीश नहकुल सुवेदी सर्वोच्च अदालतको न्यायाधीशका सिफारिस भएका छन्।
शुक्रबार बसेको न्याय परिषद् बैठकले सर्वोच्चमा दुई न्यायाधीशका साथै उच्च अदालतमा १८ जना न्यायाधीश सिफारिस गरेको हो।
संसदीय सुनुवाईबाट अनुमोदन भएमा चुडाल र सुवेदी सर्वोच्चको न्यायाधीशमा नियुक्त हुनेछन्।
यस्तै उच्च अदालतमा रिक्त रहेको १८ जना न्यायाधीश पदमा पनि न्याय परिषदले सिफारिस गरेको छ।
नारायण प्रसाद पौडेल (उच्च अदालत पाटन), ऋषिराम राजभण्डारी (उच्च अदालत पोखरा), जगत नारायण पौडेल (उच्च अदालत विराटनगर), माधवेन्द्र रेग्मी (उच्च अदालत तुलसीपुर), पुरुषोत्तम प्रसाद ढकाल (उच्च अदालत तुलसीपुर, नेपालगञ्ज इजलास), विष्णु सुवेदी (उच्च अदालत पाटन, हेटौँडा इजलास) र अर्जुनप्रसाद कोइराला (उच्च अदालत जनकपुर, वीरगञ्ज इजलास)का लागि न्यायाधीशमा सिफारिस भएका छन्।
यस्तै अमृत बहादुर बस्नेत (उच्च अदालत पाटन), मेदिनीप्रसाद पौडेल (उच्च अदालत तुलसीपुर, बुटवल इजलास), रामेश्वर रेग्मी (उच्च अदालत जनकपुर), ममता खनाल (उच्च अदालत तुलसीपुर, बुटवल इजलास), फुर्वा तामाङ (उच्च अदालत विराटनगर, धनकुटा इजलास), श्रीराधा कुमारी पुडासैनी (उच्च अदालत पोखरा)को न्यायाधीशमा सिफारिस भएका छन्।
यसैगरी जगदीश घिमिरे (उच्च अदालत पाटन), पनम सिंह (चन्द) (उच्च अदालत सुर्खेत), सागर विष्ट (उच्च अदालत दिपायल), गणेश ठाकुर (उच्च अदालत विराटनगर, धनकुटा इजलास) र निर्मला शाक्य (उच्च अदालत पाटन, हेटौँडा इजलास)को न्यायाधीशमा सिफारिस भएका हुन्।
भर्खरै
लोकप्रिय
