काठमाडौँ- ग्लोबल बिजनेस ग्रुप अन्तर्गतको शंकर इन्टरनेसनल प्रालिले माइक्रोम्याक्स मोबाइल पुनः नेपाली बजारमा भित्र्याएको छ।
काठमाडौंमा एक औपचारिक कार्यक्रम गर्दै ग्लोबल बिजनेस ग्रुपले नेपालको लागि शंकर इन्टरनेसनल प्रालि एक मात्र आधिकारिक बिक्रेता भएको बताएको छ।
नेपाली बजारमा अहिले माइक्रोम्याक्स इन नोट–१ सेरिजका दुइजटा भेरिएन्ट उपलब्ध छन्।
६.६७ इन्च डिसप्ले र हेलियो जी–८५ गेमिङ्ग प्रोसेसर जडित उक्त फोन दैनिक उपयोगको लागि मात्र नभएर गेमिङ्गको लागि पनि उत्कृष्ट फोन भएको प्रेस विज्ञप्ति मार्फत जानकारी दिएको छ।
इन नोट–१को दुइवटै फोनमा व्याक क्यामेरा ४८ मेगा पिक्सेल रहेको छ भने फ्रन्ट क्यामेरा १६ पिक्सेल रहेको छ।
४ जीबी र्याम, ६४ जीबी रोम भएको इन नोटको बजार मुल्य १९,९९० रहेको छ भने ४ जीबी र्याम , १२८ जीबी रोम भएको इन नोट–१को बजार मुल्य २१,४९० रहेको छ।
कम्पनीका बिजनेस हेड प्रतिक सवार्थियाले माइक्रोम्यास मोबाईल चाडै नै नेपाली बजारमा उत्कृष्ट ब्राण्डमा दरिने बिश्वास ब्यक्त गरेका छन्।
भारतमा राम्रो बजार हिस्सा ओगटेको माइक्रोम्याक्सले नेपाल भर चाडैनै आफ्ना आउटलेट अनि सर्भिस सेन्टरको बिस्तार गर्ने पनि बताएको छ।
भर्खरै
लोकप्रिय
