भेट आफूभित्र जग्मगाइरहेको बत्तीलाई (२५ तस्बिर)

काठमाडौं- आज देशभर बुद्ध जयन्ती विविध कार्यक्रम आयोजना गरी मनाइँदैछ। प्रत्येक वर्ष वैशाख शुक्ल पूर्णिमाका दिन बुद्ध जयन्ती मनाइने गरिन्छ। गौतम बुद्धको जन्म, बुद्धत्व प्राप्ति र महापरिनिर्वाण प्राप्ति वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग दिवसका नामले महत्वपूर्ण दिनका रुपमा लिने गर्छन्।

नेपालको लुम्बिनीमा इसापूर्व ५६३ अर्थात् आजभन्दा करिब दुई हजार ६ सय वर्षअघि सिद्धार्थ गौतम राजा शुद्धोधन र रानी मायादेवीको सुपुत्रका रुपमा जन्मी २९ वर्षका उमेरमा दरबार त्यागी ज्ञानको खोजीमा लागेका थिए। त्यस्तै काठमाडौको बौद्धमा रहेको बौद्ध स्तूपामा पनि बिहानदेखि नै मान्छेको भिड लागेको छ। बौद्ध स्तूपालाई सजाएर चिटिक्क पारिएको छ  भने रङरोगन पनि गरिएको छ।