अमेरिकाको जर्जिया राज्यको एट्लान्टा स्थित मसाज पार्लरमा ८ जनाको ज्यान जाने गरि भएको अन्धाधुन्ध गोलीकाण्डका आरोपितमाथि हत्या अभियोगमा मुद्दा दर्ता भएको छ ।
प्रहरीले आक्रमणमा मारिएका तथा घाइतेहरुको पहिचान सार्वजनिक गर्ने क्रम जारी रहँदा आरोपित रोबर्ट आरोन लङ्गमाथि हत्या अभियोगमा मुद्दा दायर भएको हो ।
आक्रमणमा मारिनेमा ६ जना एसियन महिला छन् । तर प्रहरीले अहिलेसम्म सो आक्रमण रंगभेदी मनोदशाले निर्देशित रहे–नरहेको स्पष्ट पारेको छैन ।
आरोपितमा ‘सेक्स एडिक्सन’ रहेको हुन सक्ने पनि स्थानीय प्रहरी अधिकारीले बताएका छन् ।
घटना भएको मसाज पार्लरले बेलाबखत यौन सेवा पनि प्रदान गर्ने गरेको दाबी गरिएको छ । तर आक्रमणको स्थानमा यौन सेवा वा त्यससँग जोडिएको कुनै कुरा रहेको हुन सुक्ने कुनै संकेत नभेटिएको प्रहरी अधिकारीले बताएका छन् ।
रोबर्ट आरोन लङ्ग
पछिल्ला महिनाहरुमा एसियन अमेरिकनहरुमाथि बढ्दै गएको हिंसा तथा दुर्व्यवहारका बिच यो आक्रमण भएको हो ।
आक्रमणको विभिन्न क्षेत्रबाट तीव्र आलोचना भइरहेको छ ।
कोरोना भाइरसको संक्रमण फैलिनुमा एसियनहरुको भूमिका रहेको गलत सूचना फैलाइएपछि हिंसाका घटना बढेका छन् ।
गएको हप्ता राष्ट्रका नाममा गरेको सम्बोधनमा राष्ट्रपति जो बाइडेनले एसियन–अमेरिकन माथि हुने गरेका आक्रमण तथा हिंसाको निन्दा गरेका थिए । उनले एसियन–अमेरिकनमाथि हुने दुव्र्यवहारले चिन्तित बनाएको बताएका थिए ।
यो पनि पढ्नुहोस्
भर्खरै
लोकप्रिय
