सिमकोट – हुम्लामा पानीका मुहानहरु सुक्न थालेका छन्। हिउँदमा हिमपात कम हुनु र लामो समयसम्म खडेरी परेको कारण खोला नाला र पानीका मुहान सुक्न थालेका हुन्।
सधैँभरि पानी आइरहने हुमाने खोलामा यस वर्ष पानी सुकेको सिमकोट गाउँपालिकाका प्रमुख जिल्ला अधिकारी गणेश आचार्यले बताए।
हिउँदमा हिमपात न्युन हुनु र लामो समयदेखि खडेरी परेको कारण पानीका मुहान र खोला सुकेका हुन्। गाउँपालिका भित्र पर्ने एक दर्जन खोला र मुहान सुकिसकेका छन्। ठूला खोलामा पनि पानी कम हुँदै आएका छन्।
यता खार्पुनाथ गाउँपालिकाका पनि खोला, मुल र मुहान सुक्न थालेको स्थानीय बबरजंग हमालले बताए । कर्णाली नदीमा पनि पानी निक्कै घटेको बताउँदै हमालले हिउँ कम परेको कारण यस्तो अवस्था आएको जनाए । खोला र पानीका मुहान सुकेपछि किसानलाई सिँचाइ गर्न पनि समस्या हुन थालेको छ।
पानीका मुहान सुकेपछि पैदल यात्रुलाई पानीको समस्या भएकाे यात्रु जनक बुढाले बताए ।
भर्खरै
लोकप्रिय
