अ
+
अ
अ
-
सिमकोट – हुम्लाको अदानचुली गाउँपालिकाले कोरोना संक्रमितको संख्या बढ्दै गएपछि वडा कार्यालयहरुमा जडान गरिएका इन्टरनेट सेवा एक साताका लागि बन्द गरेको छ।
इन्टरनेटको प्रयोगका लागि वडा कार्यालयहरुमा मानिसको भिड लाग्न थालेपछि संक्रमण बढ्न सक्ने निष्कर्ष निकाल्दै गाउँपालिकाले नियन्त्रणका लागि इन्टरनेट सेवा बन्द गरेको हो ।
परीक्षण गरिएका मध्ये ५० प्रतिशत बढिमा संक्रमण पुष्टि भएपछि गाउँपालिकाले आगामी जेठ नौ गतेसम्मका लागि पाँचवटै वडामा जडान गरिएका इन्टरनेट सेवा बन्द गर्ने निर्णय गरेको गाउँपालिका उपाध्यक्ष सौमती ऐडीले जानकारी दिइन्।
कार्यालयमा जडान गरिएको इन्टरनेटका कारण प्रयोगकर्ताको भिड लाग्ने भएपछि त्यस्तो निर्णय गरिएको उनले बताइन्।
त्यसैगरि संक्रमणबाट जोगिनका लागि अनिश्चितकालका लागि गाउँपालिकाका सबै सेवा बन्द गरिएको उपाध्यक्ष ऐडीले जानकारी दिइन्।
भर्खरै
लोकप्रिय
