अ
+
अ
अ
-
कञ्चनपुरस्थित महाकाली नदीमा पानीको बहाब बढेपछि निर्माणाधीन ४ लेन पुलको काम प्रभावित भएको छ।
२ दिनको लगातारको वर्षाका कारण नदीमा पानीको बहाब बढ्दा पुल निर्माण प्रभावित भएको हो।
कञ्चनपुर भीमदत्त नगरपालिका–१३ का वडाध्यक्ष लालबहादुर शाहीका अनुसार पानीको बहाब बढ्दा निर्माण कम्पनीले पुलमा कालोपत्रे गर्न बनाइएको प्लान्ट, कालोपत्रे गर्ने मेसिनसहितका उपकरण बगाएको छ।
जसबाट करोडभन्दा बढीको क्षति भएको र निर्माण प्रभावित भएको वडाध्यक्ष शाहीले जानकारी दिए। करिब ७५ प्रतिशत काम पूरा भइसकेको पुल निर्माण कुमार श्रेष्ठ निर्माण सेवाले गरिरहेको छ ।
यसैबीच, पुलमा काम गर्ने १० कामदारसमेत नदीको बीचमा रहेको टापुमा फसेका थिए।
हाल पानीको बहाब घटेपछि उनीहरूलाई सुरक्षित स्थानमा सारिएको वडाध्यक्ष शाहीले जानकारी दिए ।
भर्खरै
लोकप्रिय
