काठमाडौँ- एमालेका प्रधानमन्त्री केपी शर्मा ओली र माधव कुमार नेपाल पक्षबीचको अनौपचारिक वार्तामा पहिलोपटक भीम आचार्यको इन्ट्री भएको छ।
आचार्य पहिलोपटक यस्ता वार्तामा सहभागी भएका हुन्।
माधव नेपाल पक्षको केन्द्रीय समिति बैठकमा पार्टी एकताका लागि पहल जारी राख्नुपर्ने धारणा राखेका भीम आचार्य अनौपचारिक वार्तामा जोडिएका हुन्।
ओली पक्षले भीम रावललाई कारबाही गरेपछि उनी वार्तामा सहभागी भएका छैनन। यद्यपि एमाले एकता कार्यदलको औपचारिक बैठक भने लामो समयदेखि बसेको छैन। ललितपुरको समिट होटलमा मंगलबार जारी बैठक अनौपचारिक रुपमै अघि बढिरहेको छ।
वार्तामा संस्थापन पक्षका तर्फबाट सुवास नेम्वाङ, विष्णु पौडेल, प्रदीप ज्ञवाली र विष्णु रिमाल सहभागी छन् भने विद्रोही पक्षबाट भीम आर्चाय, गोकर्ण विष्ट, घनश्याम भुषाल र सुरेन्द्र पाण्डे संलग्न छन्।
प्रधानमन्त्री ओलीले जेठ ३ अघिको अवस्थामा फर्किने लिखित प्रतिवद्धता सार्वजनिक गरे पनि माधव नेपाल पक्षले यसअघि नै अश्वीकार गरेपछि पार्टी एकतालाई लिएर पनि वार्ताको प्रयास जारी राखिएको हो।
भर्खरै
लोकप्रिय
