काठमाडौँ – नेपाली कांग्रेसले क्रियाशील सदस्यताका लागि प्रस्ताव गरिएका भोजपुर, धनषा–१, काभ्रे –१, रुकुम पश्चिम, प्युठान र सप्तरी क्षेत्र नं. १, २, ३ र ४ (६ जिल्लाका) ९ निर्वाचन क्षेत्रको नयाँ र नवीकरणतर्फको नामावली सम्बन्धित सरोकारवालाको जानकारीका लागि आधिकारिक वेबसाइटमा सार्वजनिक गरेको छ।
केन्द्रीय क्रियाशील सदस्यता छानबिन समितिको निर्णयअनुसार पार्टीको विधान, नियमावली र केन्द्रको परिपत्रअनुसार प्रक्रिया पुयाई विवादरहित तरिकाले क्रियाशील सदस्यतासम्बन्धी कार्यसम्पन्न गरेको कांग्रेसले उल्लेख गरेको छ।
जिल्ला र प्रतिनिधि सभा क्षेत्रीय कार्यसमितिले केन्द्रबाट उपलब्ध गराइएको सफ्टवेयरमा नामावली विवरण इन्ट्री गरी सार्वजनिक गरिएका उल्लिखित क्षेत्र र जिल्लाका नामावलीउपर, कुनै उजुरी, गुनासा वा सुझाव भए यस समितिको नाममा रहेको पार्टीको आधिकारिक इमेल ठेगाना मार्फत सम्बन्धित पार्टी निकाय र व्यक्तिले असार १७ गतेभित्र सप्रमाण लिखित उजुरी, गुनासो पठाउन सक्ने कांग्रेसले उल्लेख गरेको छ।
असार १७ गतेपछि प्राप्त भएका उजुरीउपर कुनै सुनुवाइ नहुने कांग्रेसद्वारा शनिबार जारी विज्ञप्तिमा जनाइएको छ।
भर्खरै
लोकप्रिय
